Höfðaborg - Borgartún 21 - Talsmaður neytenda
Talsmanni neytenda ber samkvæmt lögum að standa vörð um hagsmuni og réttindi neytenda og stuðla að aukinni neytendavernd. Þríþætt hlutverk Í meginatriðum er hlutverk hans þríþætt, þ.e.: •varðstaða um hagsmuni og réttindi neytenda, •kynning á réttarreglum um neytendamál og •síðast en ekki síst áhrif til úrbóta á sviði neytendamála. Í stefnumótun hefur talsmaður neytenda greint hlutverk sitt í þrjú meginatriði, sbr. myndræna framsetningu þeirra en hér má sjá dæmi um verkefni af þessum þremur meginsviðum. Lýtur varðstaðan einkum að hlutfallslega veikari hópum neytenda, kynningin beinist einkum að áhugasömum neytendum en áhrifin að áhrifaaðilum í þjóðfélaginu. Af þessum sökum er lögð mikil áhersla á sjálfstæði talsmanns neytenda. Um embætti talsmanns neytenda og hlutverk hans gilda lög nr. 62/2005. Forsaga og fyrirmynd Um er að ræða nýtt embætti sem sett var á fót 1. júlí 2005 með lögum sem tóku gildi í maí 2005. Sambærileg embætti starfa á Norðurlöndunum og hafa þar um eða yfir 3ja áratuga sögu á bak við sig en valdsvið og skipulag embættanna er mismunandi eftir löndum. Hlutverk umboðsmanna neytenda er ekki aðeins að standa vörð um gildandi reglur heldur einnig að leggja til úrbætur og stuðla að aukinni neytendavernd eins og talsmanni neytenda er einnig falið. Embætti talsmanns neytenda hefur aðsetur hjá Neytendastofu sem annast dagleg störf fyrir talsmann neytenda. Heimilisfangið er Höfðaborg, 2. hæð, Borgartúni 21, 105 Reykjavík. Sjá nánar um hlutverk talsmanns neytenda í sömu lögum: „Hlutverk talsmanns neytenda felst m.a. í því að: a. taka við erindum neytenda, b. bregðast við þegar hann telur brotið gegn réttindum og hagsmunum neytenda, c. gefa út rökstuddar álitsgerðir ásamt tillögum um úrbætur, d. setja fram tillögur um úrbætur á lögum og stjórnvaldsfyrirmælum er varða neytendur sérstaklega og e. kynna löggjöf og aðrar réttarreglur er varða neytendamál.“
ALLE
Kørestolsbrugere
Gang-, arm- og håndhandicappede
Synshandicappede
Hørehandicappede
Personer med astma og allergi
Udviklingshandicappede
Personer med læsevanskeligheder
Ring eller skriv til os, hvis du har en virksomhed eller en bygning, som skal God Adgang mærkes.
info@godadgang.dk - tel. 51 34 35 96