Reykjavíkurborg
Reykjavík er stærsta bæjarfélag á Íslandi með um 118.000 íbúa. Þegar íbúar nágrannasveitarfélaganna eru einnig taldir búa um 200.000 manns á höfuðborgarsvæðinu eða um 60% íbúa landins. Norskir og keltneskir landnemar fluttust til Íslands á 9. og 10. öld og samkvæmt Landnámu reisti Ingólfur Arnarsson, sem talinn er fyrsti landnámsmaður Íslands, sér bæ þar sem Reykjavík stendur nú. Sagan segir að Ingólfur hafi gefið bæ sínum nafnið Reykjavík vegna reykjarstróka sem stigu upp úr hverum í grenndinni. Ekki fór að myndast þéttbýli að ráði í Reykjavík fyrr en á 18. öld en fram að því voru býli af ýmsum stærðum á víð og dreif um svæðið þar sem borgin stendur nú. Þéttbýlismyndunin var ekki síst að þakka merkum tilraunum Skúla Magnússonar fógeta, sem stundum hefur verið nefndur faðir Reykjavíkur, til að reka þar ullariðnað. Reykjavík fékk kaupsstaðaréttindi árið 1786. Alþingi Íslendinga var stofnsett á Þingvöllum árið 930. Það var lagt niður árið 1789 en endurreist í núverandi mynd og flutt til Reykjavíkur árið 1845. Í framhaldinu fékk landið heimastjórn og síðar sjálfstæði frá Dönum og Reykjavík varð höfuðborg landsins. Með aukinni velmegun á 20. öld óx borgin hratt, sér í lagi á seinni hluta aldarinnar. Þeim sem vilja upplifa sögu Reykjavíkur er bent á minjasafnið á Árbæjarsafni og hina nýstárlegu landnámssýningu Reykjavík 871 +/-2 í Aðalstræti 2 þar sem sjá má elstu mannvistarleifar sem fundist hafa á Íslandi.
Ring eller skriv til os, hvis du har en virksomhed eller en bygning, som skal God Adgang mærkes.
info@godadgang.dk - tel. 51 34 35 96